:'(

لحد إمتى هفضل ساكت

لحد إمتى هفضل مستحمل ومتحامل على نفسى

ليه خلاص ما حدش حاسس بيا

ولاحد عاوز يعرف اللى جَرَالِى

أو يحس باللى جَارِيلِى

أو يشاركنى بمشورته ودعواته فى اللى بِيجْرَالى

حاسس إنى بموت ببطئ

من كتر ما أنا ساكت

طب ليه ساكت ؟

ليه ما بتتكلمش زي غيرك؟

وذنب غيرك إيه إنك ساكت؟

الجواب : لأن ما كانش ينفع أتكلم

علشان

ما أهزش حد معايا

أو أزعزع إستقراره

أو أضيع فرحته

أو أزود بلوته

أو أبقى عبء عليه فى وقت المسؤليات عليه بقت زايدة

ودايرة معارفه بقت واسعة

وبالتالى أرهقه

وكنت بقول لنفسى إن مش ذنب غيرى إن دايرتى مش كاملة ومافيهاش ناس مصفوفة

فَكنت بَفَضَّلْ إنى أسكت

وآجى على نفسى وأكتم

علشان ما أحملش حد فوق طاقته

أو أكون سبب فى إن حد بيحبنى يتألم علشانى

فوالله ما كنت برضهاله

ولا كان بيهون عليا حد

بس اللى كان نفسى فيه

انهم يحسوا بوقت ألمى من غير ما اتكلم

آه هم معترفين بأن ليا حق فى الآه

بس ليه مستتقلين بشئ من الجفاء يسمعوها منى

؟؟؟

لما كانوا بيسألونى عن حالى

كنت ببتسم ابتسامة موناليزا

من فين تبص عليها

تلاقيها

تبصللك

مهما الناس كتروا حواليها

فكل ما الناس تيجى تكلمنى وتبص عليا

وعينهم تيجى فى عنيا

هيلاقونى باصص بعين راضية

شاكرة

حامدة

بتقول الحمد لله , كله تمام

وهم اتعودوا منى على كدا

...(اللهم لا إعتراض)...

الحمد لله طبعا على كل شئ

بس دى مش بتبقى الحقيقة

باجى على نفسى

وبخبى

وبدارى

واقول معلش استحمل

ويمكن دا اللى طمنهم إنهم مهما بعدوا هيلاقونى بكل هدوء بقابلهم

لأنهم اتعودوا على كدا

ويمكن برضه دا ادالهم الحق فى إن ما يكونش عندهم إستعداد يسمعوا غير كدا

يمكن؟

ووالله عاذرهم ومش زعلان أبدا منهم لأنى شايف إن دا من حقهم

بس أنا بشر

ولأنى بشر ألمنى ووجعنى وجرحنى

إنى لما حاولت أتنفس زى غيرى

وابدأ زى غيرى

لاقيت منهم اللى مش مصدق

ومنهم اللى مش عاوز يصدق

ومنهم اللى مش متوقع ولا متخيل ولا جاى على باله إنه ممكن في يوم أشتكى

ومنهم اللى مش مقدر إنى بحس

ومنهم اللى مش حاسس قد إيه فعلا أنا بنهار

ومنهم اللى بيتفضل عليا بمجرد معرفته بيا

ومنهم اللى حاسس بيا بس واقف عاجز

ومنهم اللى مقدر اللى فيا بس مستنى عليا شوية

ومنهم ومنهم ومنهم

ليه ما بستحملش على غيرى الهوا

ومهما بعد

مش بكابر

وبصوتى ببادر

وأقول يمكن محتاجنى جنبه

يمكن محتاج يطمئن إن وقت ما يعود هيلاقى اللى واقف معاه حتى لو هو بعيد

ليه ألاقى منهم اللى معتبر دا ضعف

ومنهم اللى بيحسسنى إن كدا عبء

ومنهم اللى بيحسسنى ويتعمد يوضحلى إنه بيجاملنى

ومنهم اللى بيتحجج بينه وبين نفسه بحجج

ويجى معايا يبرهنها ببراهين هو شايف إنها على أسس علمية

مع إنها كلام نظرى

والواقع غير الكلام

ولو حتى الكلام صح

فلكل مقام مقال

ومش أى حد يسرى عليه نفس الكلام

كل واحد وله مدخله ومفتاحه

يبقى ليه نعمم طريقة علاج

وناخدها قفش ونقول هو كدا

ومنهم اللى عاوزنى زى ما أنا

وعلشان ما حدش يفهمنى غلط

ما أقصدش زى ما انا انى أفضل ما أتقدمش

لا

أقصد زى ما أنا

تعليقاتى تبقى دايما نفس التعليقات اللى تعود غيرى يسمعها

وردود افعالى هى نفس ردود الافعال اللى تعود غيرى يشوفها

شايفنّى بمنظور مش عاوزين يغيروه

منظور محدود

يستغربوا لو خرجت عنه أو حدت عنه

ويحسوا أنهم اكتشفوا حاجات جديدة فيا

وشخصية غريبة كانت مستخبية

وبنظرة ريبة يستنكروا دا منى

سبحان الله

!!!

رغم إن غيرى كان زيى

وحيد فى البحر زيى

وسبحان الله

هنا اتقابلنا

هنا اتجمعنا

أيوة ايوة

والله هنا

تحت المية

وبدون تردد

حضنا بعض بأخوية

وشَبِّكْنَا إيدينا التشبيكة اللى هي

ظاهرها شديدة قوية عفية

لكن باطنها كان كله حنية

وبفرحة بصينا لبعض

وبلهفة بصينا لفوق

وكان القرار

نطلع نتنفس هوا الحرية

ولما طلعنا

من البداية

حلمنا بمركبنا

مركب بمجدفين وشراع

ومجاديفها

مجداف كان من أمانة

ومجداف كان من إخلاص

وشراعها

كانت شريعته الإلتزام

ومشينا وجدفنا وقاومنا الموج والريح ووقفنا ؟؟؟

آه وقفنا

أصل جت محطة وقفونى عندها

قالوا لى معلش مؤقتا

وشاورولى

ورضيوا بيها محطة أقف فيها

وزى ما قولت مؤقتاَ

وسابونى ووعدونى

هيشحنوا نفسهم وهيرجعوا من تانى ياخدونى

ووسط المية سابونى

وأنا رضيت

ومن قلبى دعيت

ربنا يوفقكم ويكرمكم ويبارك طريقكم

ويهديكم ويحميكم ويثبت خطاويكم

ولما سألونى

قولت وغنيت

طول ما أنتم بخير أنا بخير

أنا مطمن عليكم

أنا شايفكم يوم ورا التانى بتكبروا

وبشوف روحى فيكم

وفى وسط الغينوة بوسط المية بكيت

وبكيت

وبكيت

وقولت هم يا ترى نسيونى ؟

وللا هيرجعوا من تانى ياخدونى ؟

يا ترى هيشدونى معاهم زى ما وعدونى ؟

خايف من كتر ما اتعودوا يبعدوا يجافونى

ولما يحبوا لهم يرجعونى

جوا قلوبهم يدوروا فمايلاقونى

يا ترى ساعتها هيلوموا نفسهم وللا من سكاتى عشانهم هيلومونى؟؟؟

أنا عارف إنهم جايين

وإنهم راجعين

لأنى عارف إنهم فى حبهم وأخوتهم ليا جادين

بس هم بجد ما بقوش عارفين

إنى فى وسط المية ما بقتش عارف أجدف لوحدى

الموج غَلَبْنِى

والريح غَلِّبِتْنِى

والمجاديف بتعاندنى

والسمك اللى جوا المية مش بيساعدنى

لا دا أكل مجاديفى وفرم درعاتى ومش راحمنى

يا آآآآآآآآآآآآآآآآآآآآآآآآآآآآآآآآآآآآآه يا درعاتى

مش عارف أمشى بالمركب لوحدى

مش عارف أعوم وسط المية لوحدى

ما بقتش عارف زى ما بيقولوا

ألملم روحى وأداوى جروحى

ياااااانا يا وجوعى

يا آآآآآآآآآآآآه بتفرتك ضلوعى

يا خيبة أمل فى نفسى بتوقع دروعى

يا ترى نسيوا إنى بشر زيى زيهم

ضعيف

عاجز

وحيد

بجوع وبعطش زيهم

محتاج لسلام

محتاج لمكان

محتاج لحنان

محتاج لأمان

زى اللى بيضمهم

دلوقتى بقى لازم يعرفوا

إنى صبرت وصابرت وبصابر وهصابر

علشان خاطرهم

وعلشان ما أعطلش مسيرتهم

لأنى والله فى الله بحبهم

والله فى الله بحبهم

والله فى الله بحبهم

وآدينى هفضل مستنى

فاكر عهودكم وانتوا جنبى

سوا سوا

فى المشوار سوا

فى البحر سوا

فى البر سوا

على الحلوة سوا

وعلى المرة سوا

يااااااااااااااااااااااه

كل دا كنت شايله فى قلبى وساكت وراضى

**********

دا حديث نفسى اللى صعبانة عليها نفسى

فيارب الكل يعرف دا كويس

ويارب ما حدش من ظنه بيا يخيبنى

وحلفتكم بالله

ما حدش يزعل منى

لأنى والله مش زعلان من حد

ولا بعاتب حد

ولا بتنصل من مسؤليتى عن حد

أنا بس بقول إنى من السكون تعبت

فاعذروا ضعفى

لو أنا مش قادر أفضل أنا زى ما اتعودتم

بس دا بجد إن شاء الله لفترة وهتعدى

من أول كلمة حلوة

ومن أول دعوة خالصة

من أول بسمة صافية

تجدد أملى

وترجعلى عهدى بيكم اللى عهدته منكم

فبجد أنا آسف

لأنى مش قادر أكتم أكتر من كدا

لأنى ما عدتش حتى قادر على أنى أكمل

أكمل مشوار حياتى

عاجز

موجوع

مجروح

راجع من تانى وحدانى

ودا صار حالى

أرجوكم شوفوه

طفلى من جوا بيغرق

والسمك حواليه مش بيعتق

وخايف نفسى اللى صعبانة عليها نفسى

هى كمان تفوتنى

ومن فوق تهوى

وتقوللى كمل أنت وتسيبنى

وما يتبقالى منها غير بقايا يادوب أحط فيها رجلى

ما أنا أصل درعاتى

............

!

:'(

Hold My Hand !!!

I hear the flower's kinda crying loud

The breeze's sound is sad :'(

Oh no...

Tell me when did we become

So cold and empty inside

Lost a way long time ago

Did we really turn that blind

We don't see that we keep hurting each other

no

All we do is just fight

Now we share the same bright sun, the same round moon

Why don't we share the same love

Tell me why not

Life is shorter than most have thought

Hold my hand

There are many ways to do it right

Hold my hand

Turn around and see what we`ve left behind

Hold my hand my friend

We can save the good spirit of me and you

For another chance

And let's pray for a beautiful world

A beautiful world I share with you

Hold my hand....

Children seem like they've lost their smile :(

On the new blooded playgrounds

Oh no...

How could we ignore

heartbreaking crying sounds

And we're still going on

Like nobody really cares

And we just stopped feeling all the pain because

Like it's a daily basic affair

Now we share the same bright sun, the same round moon

Why don't we share the same love

Tell me why not

Life is shorter than most have thought

Hold my hand

There are many ways to do it right

Hold my hand

Turn around and see what we`ve left behind

Hold my hand my friend

We can save the good spirit of me and you

For another chance

And let's pray for a beautiful world

A beautiful world I share with you

No matter how far I might be

I'm always gonne be your neighbour

There's only one small planet where to be

So I'm always gonna be your neighbour

We cannot hide, we can't deny

That we're always gonna be neighbours

Your neighbour, my neighbour

We're neighbours

So hold my hand

There are many ways to do it right

Hold my hand

Turn around and see what have left behind

So hold my hand

There are many ways to do it right

Hold my hand

Turn around and see what we`ve left behind

Hold my hand my friend

We can save the good spirit of me and you

For another chance

And let's pray for a beautiful world

A beautiful world I share with you

plz wait Buffering then watch

thx

Miss You

ياااااااااااااااااه

حبيبتى يا مدونتى

مدونتى الصغنونة

^-^

فين أيامك وايام زمانك

سبحان الله

أول ما فتحت المدونة النهاردة حسيت بحنين

حنين لأيام كنت فاكر إنها ماضى حزين

رغم إن كان فيها أنين

وكان فيها صمت والم

بس برضه كان فيها صبر وجلد

ايام كنت أنا ونفسى فيها متفقين

قايمين راكعين ساجدين

حامدين شاكرين وبقضاء ربنا راضيين

وبدعاؤه وبمناجاته مش منقطعين

طب يا ترى يا هل ترى إيه اللى جرى ؟؟؟

!!!

الله أعلم

al7amdu li ALLAH 3ala koll shae2

السلام عليكم ورحمة الله وبركاته

ياربى لك الحمد كما ينبغى لجلال وجهك وعظيم سلطانك

اللهم أنت ربى لا إله إلا أنت خلقتنى وأنا عبدك وأنا على عهدك ووعدك ما استطعت أعوذ بك من شر ما صنعت وأبوء لك بنعمتك على وأبوء بذنبى فانه لا يغفر الذنوب إلا أنت

يارب لك الحمد فى السراء والضراء

ولك الحمد على كل شئ

ولك الحمد على ما إبتليتنى به لأتقرب إليك وأتضرع إليك وأتذلل بين يديك وأنت أغنى الأغنياء عنى

Alsalmu 3alaykom wa ra7mat ALLA wa barakatoh

لم أجد غيرها لأبدأ أولى صفحاتى

السلام عليكم ورحمة الله وبركاته

اللهم أعنى على ما نويت عليه

واجعل عملى هذا خالصا لوجهك الكريم